Qazaqstan Respýblıkasy Úkimetiniń qaýlysy  №1166 

2015 jylǵy 31 jeltoqsan, Astana, Úkimet Úıi «Jekelegen negizder boıynsha memleket menshigine aınaldyrylǵan (túsken) múlikti esepke alýdyń, saqtaýdyń, baǵalaýdyń jáne odan ári paıdalanýdyń keıbir máseleleri» týraly Qazaqstan Respýblıkasy Úkimetiniń 2002 jylǵy 26 shildedegi № 833 qaýlysyna ózgerister men tolyqtyrýlar engizý týraly Qazaqstan Respýblıkasynyń Úkimeti qaýly etedi: 1. «Jekelegen negizder boıynsha memleket menshigine aınaldyrylǵan (túsken) múlikti esepke alýdyń, saqtaýdyń, baǵalaýdyń jáne odan ári paıdalanýdyń keıbir máseleleri» týraly Qazaqstan Respýblıkasy Úkimetiniń 2002 jylǵy 26 shildedegi № 833 qaýlysyna (Qazaqstan Respýblıkasynyń PÚAJ-y, 2002 j., № 25, 260-qujat) mynadaı ózgerister men tolyqtyrýlar engizilsin: kórsetilgen qaýlymen bekitilgen Jekelegen negizder boıynsha memleket menshigine aınal­­­dy­rylǵan (túsken) múlikti esepke alý, saqtaý, baǵalaý jáne odan ári paıdalaný qaǵıdalarynda: 3-tarmaqtyń 4) tarmaqshasy mynadaı redaksııada jazylsyn: «4) jaýapty memlekettik qyzmet atqaratyn adamdar, memlekettik fýnksııalardy oryndaýǵa ýákilettik berilgen adamdar, olarǵa teńestirilgen adamdar (Qazaqstan Respýblıkasynyń Prezıdenttigine, Qazaqstan Respýblıkasy Parlamentiniń nemese máslıhattarynyń depýtattyǵyna, aýdandyq mańyzy bar qalalardyń, kentterdiń, aýyldardyń, aýyldyq okrýgterdiń ákimdigine, sondaı-aq jergilikti ózin-ózi basqarýdyń saılanbaly organdarynyń músheligine kandıdattardy qospaǵanda), laýazymdy adamdar, sondaı-aq kórsetilgen fýnksııalardy oryndaýǵa ýákilettik berilgen kandıdattar bolyp tabylatyn adamdar bergen, arnaýly memlekettik qorǵa óteýsiz tapsyrýǵa jatatyn syılyqtardy (budan ári - syılyqtar);»; 24-tarmaq mynadaı redaksııada jazylsyn: «24. Ýákiletti organǵa tapsyrylǵan syılyqtar arnaýly memlekettik qordy quraıdy jáne memlekettik múlik tiziliminde esepke alynady. Arnaýly memlekettik qordaǵy múlikti ótkizý «Sybaılas jemqorlyqqa qarsy is-qımyl týraly» 2015 jylǵy 18 qarashadaǵy Qazaqstan Respýblıkasynyń Zańynda kózdelgen erekshelikter eskerile otyryp júrgiziledi.»; 25-tarmaqtyń birinshi jáne ekinshi bólikteri mynadaı redaksııada jazylsyn: «25. Jaýapty memlekettik qyzmet atqaratyn adamdar, memlekettik fýnksııalardy oryndaýǵa ýákilettik berilgen adamdar, olarǵa teńestirilgen adamdar (Qazaqstan Respýblıkasynyń Prezıdenttigine, Qazaqstan Respýblıkasy Parlamentiniń nemese máslıhattarynyń depýtattyǵyna, aýdandyq mańyzy bar qalalardyń, kentterdiń, aýyldardyń, aýyldyq okrýgterdiń ákimdigine, sondaı-aq jergilikti ózin-ózi basqarýdyń saılanbaly organdarynyń músheligine kandıdattardy qospaǵanda), laýazymdy adamdar, sondaı-aq kórsetilgen fýnksııalardy oryndaýǵa ýákilettik berilgen kandıdattar bolyp tabylatyn adamdar bilmeı kelip túsken syılyqtar, ne olar ózderiniń laýazymdyq jaǵdaıyna nemese qyzmettik mindetterin atqarýyna baılanysty alǵan syılyqtar, sondaı-aq laýazymdyq jaǵdaıyna baılanysty nemese qyzmettik mindetterin atqarýyna baılanysty memlekettik qyzmetshilerge jarııa túrde nemese resmı is-sharalar kezinde berilgen (tapsyrylǵan) syılyqtar ýákiletti organǵa nemese jergilikti atqarýshy organǵa syılyq alǵan kúnnen bastap kúntizbelik jeti kún ishinde satyp alý ne satyp alýdan bas tartý týraly jazbasha habarlamany qosa bere otyryp, tizimdeme aktisi boıynsha tapsyrylady.»; mynadaı mazmundaǵy 26-1 jáne 26-2-tarmaqtarmen tolyqtyrylsyn: «26-1. Syılyqty tapsyrǵan adam ony joǵary turǵan laýazymdy adamnyń kelisimimen arnaýly memlekettik qordan satyp alýǵa quqyly. 26-2. Syılyqty satyp alý ýákiletti organ syılyqty alǵan adamnan habarlama alǵan kúnnen bastap kúntizbelik jeti kún ishinde ýákiletti organ men syılyqty alǵan adam arasyndaǵy satyp alý-satý sharty boıynsha júzege asyrylady. Tapsyrylǵan syılyqty berý «Qazaqstan Respýblıkasyndaǵy baǵalaý qyzmeti týraly» 2000 jylǵy 30 qarashadaǵy Qazaqstan Respýblıkasynyń Zańyna sáıkes aıqyndalǵan, satyp alý-satý shartynda kórsetilgen syılyq qunyn tolyq tólegennen keıin ýákiletti organ men syılyqty tapsyrǵan adam arasynda qabyldap alý-berý aktisine qol qoıý arqyly júrgiziledi.»; 27-tarmaq mynadaı redaksııada jazylsyn: «27. Syılyqty tapsyrǵan adam ony satyp alýdan jazbasha túrde bas tartqannan keıin ǵana ýákiletti organ arnaýly memlekettik qordan syılyqty úshinshi tulǵalarǵa ótkizýge quqyly.»; 33-tarmaq mynadaı redaksııada jazylsyn: «33. Sot múliktiń memleket menshigine túsýine negiz bolǵan aktiniń kúshin joıǵan (tıisti bóligin ózgertken) jaǵdaıda ýákiletti organ nemese jergilikti atqarýshy organdar múlikti zattaı qaıtarýdy júrgizedi. Múlik Qazaqstan Respýblıkasynyń zańnamasynda belgilengen tártippen satylǵan jaǵ­daıda, onyń qunyn óteý 2008 jylǵy 4 jeltoqsandaǵy Qazaqstan Respýblıkasynyń Bıýdjet kodek­sine sáıkes ony ótkizýden alynǵan qarajat sheginde. tıisti bıýdjet qarajaty esebinen júrgiziledi.». 2. Osy qaýly 2016 jylǵy 1 qańtardan bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri K.MÁSIMOV.